Dibdib/ Suso

    Pagtataas ng Suso

    Sa paglipas ng panahon, ang pagtanda, pagbaba ng timbang, pagbubuntis, pagpapasuso ay nakakaapekto sa suso ng babae at sa sumusuportang balat nito na nagiging luyloy. Ang pagtataas sa suso (mastopexy) ay isang operasyon upang maisaayos at maibalik sa dati ang anyo ng suso at utong na tulad ng kabataan pa.

    Maaring magkaroon ng pilat sa suso dahil sa operasyon upang isaayos ang utong at himaymay nito subalit ang pilat ay mawawala rin sa paglipas ng panahon.

    Pagpapaliit ng Suso (Breast Reduction)

    Ang mga babaeng may napakalaking suso ay maaaring makaranas ng iba’t-ibang problemang medikal sanhi ng sobrang timbang nito. Ang operasyon para sa pagpapalit ng suso ay makatutulong upang maibsan ang pananakit ng likod at leeg, iritasyon ng balat, hirap sa paghinga at pagkasira ng hugis ng mga buto lalo na ang iskeleton.
    Sa paraan ng pagpapaliit ng dibdib, inaalis ang taba at tisyung glandyular, mula sa balat ng dibdib upang maging maliit, magaan at matigas ang mga ito. Inaalis din nito ang maitim nab alt sa gilid ng utong na tinatawag na aryola. Layunin nito na magbunga ng isang dibdib na maliit at may magandang hugis na proporsyon sa ibang bahagi ng katawan.
    Kabilang sa pamamaraan ang hugis-anklang paghiwa sa palibot ng aryola pababa ayon sa natural na kurbada ng kulubot sa ilalim ng suso. Ang pagaalis ng taba (liposuction) ay maaring gamitin upang alisin ang taba mula sa kilikili at ang a tahi ay inaalis sa pagitan ng 1 hanggang sampung araw pagkatapos ng operasyon.

    Pagpapalaki ng Suso (Breast Enlargement)

   Ang pagpapalaki ng suso ay isinasagawa sa pamamagitan ng operasyon upang ayusin ang laki at hugis nito. Ang dahilan nito kung bakit ito isinasagawa ay upang maging mas malaki ang dibdib, itama ang pagliit ng dibdib pagkapanganak at balansehin ang pagkakaiba sa laki ng dalawang dibdib.
    Isinasagawa ang pagpapalaki ng dibdib sa pamamagitan ng pangkalahatang anestisya/ pangimay upang ang pasyente ay natutulog habang inooperahan.
    Ang paraan ng pagpasok at pagsasaayos sa tamang lugar ay inilalagay sa loob ng dibdib base sa kayarian at rekomendasyon ng doctor. Ang paghiwa ay maaaring gawin sa may kulubot na kung saan ang suso at ang dibdib ay naglalapat, sa palibot bg aryola o sa kilikili. Sa pagsasagawa ng paghiwa isang animo’y bulsa ang ginagawa, alinman sa ilalim ng himaymay ng suso o sa ilalim ng kalamnan ng dibdib. Ang bagay na illagay ay iginigitna sa ilalim ng utong.
    Pagkatapos ng operasyon, ang tubo na magsisilbing daluyan ay inilalagay ay inaalis sa loob ng isang araw.
Tinatahi ang sugat upang magsama ang bahaging hiniwa. Maaring maglagay ng gasa sa ibabaw ng dibdib upang makatulong sa pagpapagaling. Ang pasyente ay maaaring makaramdam ng panghihina at pamamaga sa loob ng ilang araw pagkatapos ng operasyon subalit maaaring manumbalik ang lakas makalipas ang 24 o 48 oras.